МИСЛЕЊА, АНАЛИЗИ И ПРЕПОРАКИ

• Препораки за цени за книжевни преводи (по јазични парови, жанрови и сл.) од странски јазици на македонски јазик, доставени до Комисијата за издавачка дејност при Министерството за култура да послужат при изработката на Правилник за плаќање на книжевните преводи од странски јазици на македонски јазик што ги субвенционира Министерството за култура (2013 г.).
• Анализа на Предлог-законот за судски преведувачи со препораки за подобрување, пратена до Министерството за правда (2014 г.)
• Мислење за потребата од воведување модел за самовработување за слободните професии, доставено во разговор со Министерството за труд и социјална политика (2014 г.)
• Анализа на негативните и позитивните ефекти од Законот за плаќање на придонесите од задолжителното социјално осигурување, доставена до Министерството за труд и социјална политика (2015 г.)
• Поднесок до Комисијата за борба против дискриминација со образложение на сите основи за кои сметавме дека Законот за плаќање на придонесите од задолжителното социјално осигурување врши дискриминација врз слободните преведувачи и толкувачи (2015 г.)
• Барање до Дирекцијата за заштита на личните податоци да интервенира кај Фондот за пензиско и инвалидско осигурување на Македонија, каде што се поднесуваа пријавите за хонорарите, за да се отстранат неразумните прекумерни и непотребни барања на лични податоци (копија од трансакциска сметка, копија од лична карта или лична карта на увид, копија од банкарски извод на примени средства) - барањата за такви податоци брзо потоа беа повлечени (2015 г.)
• Коментари за новиот Закон за јавни набавки во РМ и структурата на Упатството за набавка на услуги за превод и толкување, доставени до Бирото за јавни набавки (2017 г.)
• Мислење за потребата од регулирање на професијата и воспоставување Регистар на дејноста, доставено во разговор со министерот за култура (2017 г.)
• Став на ЗПРМ во врска со честото изоставување на книжевниот преведувач во објавите за нови изданија преводна литература, јавно објавен (2017 г.)
• Став на ЗПРМ по повод написите за третманот на толкувачката во случајот „Диво насеље", јавно објавен (2017 г.)
• Мислење за подготвеноста на судските преведувачи за писмен превод и толкување во судница и за проблемите на судовите да дојдат до квалитетни преведувачи и толкувачи, доставено во разговор со претседателот на Основниот суд Скопје 1 (2018 г.)
• Анализа на Предлог-законот за јавни набавки за измени во одредбите за услугите за превод, претставена на јавна расправа за Нацрт-законот организирана од Министерството за финансии (2018 г.) - резултат е што преводот не мора да се набавува по најниска цена
• Анкета/истражување меѓу државните органи на РСМ за пишување на личните имиња во официјални документи (преку механизмот за слободен пристап до информации од јавен карактер) (октомври/декември 2018 г.)
• Мислење за подобрување на соработката на Владата на Република Северна Македонија со граѓанскиот сектор 2018 - 2020, доставено на јавна дебата на темата во организација на Граѓанскиот ресурсен центар (2019 г.)
• Предлог-измени на Судскиот деловник и Ценовник на услуги за судски превод и толкување, доставени до Министерството за правда (2019 г.)
• Предлог за самовработување, доставен до Министерство за труд и социјална политика (2019 г.)
• Средба на претставници од ЗПРМ со Државната секретарка на Секретаријатот за европски прашања во врска со Упатството за јавни набавки на превод и толкување, (2019 г.)
• Тарифник за судски превод и толкување, доставен до претседателот на Основен суд Скопје 1, (2019 г.)
• Упатство за јавни набавки на превод и толкување, доставено до Бирото за јавни набавки, (2019 г.)
• Предлог-проектна идеја за судски превод и толкување (Протокол/Практикум за толкување во судница, Прирачник за судски превод со поимник, Обука за судски преведувачи), доствена до Академијата за судии и јавни обвинители, (2019 г.)
• Предлог на Здружението на преведувачи и толкувачи на Република Северна Македонија за заштита на преведувачите и толкувачите, а во врска со предлог-мерките што ги подготвува Владата за намалување на последиците од кризата предизвикана од вирусот САРС-Ков-2, (2020 г.)
• ЗПРМ ја потпиша онлајн-петицијата до Европската комисија за поамбициозни буџетски мерки што ќе им овозможат на професионалците од овие области да ја пребродат кризата, (2020 г.)
• Препораките за толкување од далечина во услови на пандемија доставени до Владата на РСМ. Владата извести дека ги доставила овие препораки до сите институции со цел да се почитуваат при организирање на настани со симултано или консекутивно толкување (јуни 2020 г.)
• Декларација за македонскиот јазик (на 12 јазици) објавена на социјалните медиуми, на веб-страницата на ЗПРМ и пратена на сите контакти на ЗПРМ (ноември 2020 г.)
• Писмо до Владата и до МТСП и средба со претставник на Премиерот со барање слободните преведувачи да бидат земени предвид во некоја од мерките за помош (во неколку наврати во текот на 2020 г.)
• Предлогот за самовработување на слободните професии испратен до Владата и до МТСП (2020 г.)
• Предлози за измена на Судскиот деловник во делот поврзан со судскиот превод, доставени до претставници од кабинетот на министерот за правда (јануари 2021 г.)